ධාරිතා සංවර්ධණය - CAPACITY BUILDING

ධාරිතා සංවර්ධණය යනු දිවි මග ජයගැනීමට යොමු කළ හැකි මානව සම්පත සතු ශක්තීන්, දැනුම, කුසලතාවයන් හා අත්දැකීම් වේ. මේවා තමාගේ සේවය ලබා දෙන ආයතනයේ, පවුලේ, සමාජයේ හා දේශයේ සාර්ථකත්වය සඳහා භාවිතා කිරීමට සුදුසු ලෙස පුද්ගල ධාරිතාවය සංවර්ධණය මෙමඟින් අර්ථකතනය වේ.

ධාරිතාව සංවර්ධණය සඳහා පුද්ගලයෙකු සතු නිසග හැකියාව තමාගේ උපතේ සිට පවුලේ හා පරිසරයේ ක්‍රියාකාරකම් හා ආකල්ප තුලින් සංවර්ධණය වේ. එහෙත් එසේ අත්දැකීමට භාජනය වූ පුද්ගලයින්ගේ තවදුරටත් සංවර්ධණය කිරීම හා නොවූ පුද්ගලයින්ගේ වුව සහජයෙන් පිහිටා ඇති හැකියාවන් වර්ධණය කිරීම සඳහා ගනු ලබන උපාය මාර්ගය ධාරිතා සංවර්ධණය ලෙසින් හැඳින්විය හැකිය.

ධාරිතා සංවර්ධණයෙහි ලා හඳුනා ගනු ලැබූ විෂය ක්ෂේත්‍රයන් 8 ක් මතු දැක්වේ. එම විෂයයන් හැදෑරීමෙන් ඒවා එකිනෙක තමාගේ චිත්ත අභ්‍යන්තරය තුල සමෝදානය (Montage) වීමෙන් හා ප්‍රතිනිර්මාණය වීමෙන් තමා මෙතෙක් නොදුටු නොඇසූ දැනුමක් අවබෝධයක් හා පරිණතියක් තමා තුලින් විද්‍යාමාන වන්නට පටන් ගනී.